Jetske Bilker, foto: van Keulen, Ljouwert

Op snein 8 oktober wurdt priiswinner Jetske Bilker yn it sintsje set mei in muzikale en literêre middei yn kafee De Gouden Leeuw yn Tresoar. Kom yn de kunde mei de skriuwster en har priiswinnende roman. Arjen Dijkstra leit út wêrom’t er it boek 5 stjerren jout en wat him sa rekke by it lêzen oer it libben fan toskedoktersassistinte Pippy Doutsen van der Hoop. Jetske Bilker fertelt oer har skriuwen en it publyk kin har fragen stelle. Der is muzyk fan trûbadoer Jaap Louwes. En altyd al witte wollen wat der boppe dyn holle bart ast yn de stoel by de toskedokter leist? In toskedoktersassistinte lit sjen hoe’t de saneamde fjouwerhannemetoade wurket. En ja, dat spilet in belangrike rol yn it boek.Bist wolkom yn kafee De Gouden Leeuw in Tresoar, Boterhoek 1 yn Ljouwert. Tiid: 14.00-16.00 oere (ynrin 13.30 oere), oanmelde kin hjir. De organisaasje fan dizze middei is yn hannen fan Tresoar en tydskrift de Moanne.

Jetske Bilker krijt dit jier de Gysbert Japicxpriis, de belangrykste literêre priis fan Fryslân, foar har roman Spegel en sonde. Yn de wike foar de útrikking fan de Gysbert Japicxpriis op 14 oktober binne ferskate aktiviteiten.