Freed 1 novimber is de Fryske Boekewike begûn mei it Boekefeest en de presintaasje fan it Kadoboek ‘Wynroas’ fan Meindert Talma. It Kadoboek is de hiele Fryske Boekewike fergees te krijen by oankeap fan €15,00 oan Fryske boeken by jo boekhannel.

Optredens

Yn it ramt fan de Fryske Boekewike – fan 2 o/m 10 novimber – fersoarget Meindert Talma fiif optredens oer it Kadoboek: ‘Wynroas‘, dat er spesjaal foar de Fryske Boekewike skreaun hat. ‘Wynroas’ is in autobiografyske, tragikomyske novelle mei in spannende en dramatyske ôfrin.

Live is ‘Wynroas’ in audiofisuele trip fan in oere, dy’t dy meinimt yn in ferteld en songen (film)ferhaal oer in fûleindich konflikt dat Meindert Talma krige troch in liet op De Zee Roept, it album by it fotoboek fan Tryntsje Nauta oer de studinten fan de seefeartskoalle op Skylge.

– Tiisdei 5 novimber, 19.30 – 21.00, bibleteek Drachten, *oanmelde
– Woansdei 6 novimber, 19.30 – 21.30, bibleteek Dokkum
– Tongersdei 7 novimber, 20.00 – 21.30, Podium Gorter, Balk
– Freed 8 novimber, 19.30 – 21.30, bibleteek It Hearrenfean, *oanmelde
– Snein 10 novimber, 19.30 – 21.30, Stadskas Explore the North, Ljouwert

Alle optredens binne fergees tagonklik en by alle optredens is in ferskaat oan Fryske boeken te keap.

Foar mear ynformaasje sjoch de webside fan Boeken fan Fryslân.