De 65ste rige Akademylêzingen set yn novimber útein. De rige bestiet út trije lêzingedagen fan 10.00 – 15.00 oere en wurdt holden yn twa groepen: groep 1 te Ljouwert en groep 2 op ‘e Jouwer.
De Akademylêzingen is in rige fan 6 publykslêzingen ferspraat oer it winterskoft. Elk jier slagget de wurkgroep Akademylêzingen der wer yn in oansprekkende rige gear te stallen yn oparbeidzjen mei frouljusorganisaasjes yn Fryslân.
De lêzingen binne foar elk tagonklik. De ûnderwerpen binne aktuele, edukative, wittenskiplike en algemien-maatskiplike tema’s, dêr’t sprekkers op eigen wize ynfolling oan jaan kinne.
Frisia en de Vikingtiid / Verpleegkunde in de GGZ
Dr. Nelleke IJssennagger-van der Pluijm, Fryske Akademy en Nynke Boonstra, Lector NHL Stenden nimme de earste dei, freed 22 novimber, foar har rekken. De lêzing fan IJssennagger-van der Pluijm giet oer ‘Frisia en de Vikingtiid’. De lêzing fan Boonstra giet oer ‘Verpleegkunde in de GGZ’.
Opjaan en kosten
De kosten foar it bywenjen fan de hiele rige Akademylêzingen (3 dagen) komme op € 30. It is net mooglik om foar 1 dei een kaart te bestellen.
Laat een reactie achter