Op freed 11 april organisearret it Keninklik Frysk Genoatskip / Koninklijk Fries Genootschap yn ’e mande mei de redaksje fan De Vrije Fries, Tresoar en de Fryske Akademy it folgjende KFG-Sieperda-sympoasium oer Fryske kontakten yn de ôfrûne iuw oer de wrâld hinne.
Ferlet fan ferbining: Fryske kontakten, 1925-202
Hûndert jier lyn waard it earste Grut Frysk Kongres hâlden om de bannen tusken de trije Fryslannen oan te heljen. It gie dêrby foar in part om nostalgy mar likegoed om fierdere fersteviging fan de Fryske Beweging. Der wienen yn dy jierren mear inisjativen om Fryske kontakten bûten de provinsje oan te heljen. Yn 1923 waard bygelyks it Frysk Boun om Utens (wer)oprjochte, sadat men fier fan hûs dochs it Frysk-eigene hoedzje koe. Sa’n ferlet wie der ek al rillegau ûnder lânferhúzers yn Noard-Amearika ûntstien. En yn 1925 – dus ek hûndert jier lyn – waard yn Grins de Fryske Studinteferiening Bernlef oprjochte om as Friezen ûnderinoar kontakt te hâlden. It tema sil yn in Europeesk perspektyf pleatst wurde, want wat de Friezen diene wie perfoarst net unyk. Sa wie der yn deselde tiid de beweging dy’t de Europeeske naasjes tichterbyinoar bringe woe: de Paneuropeeske Uny, oprjochte yn 1923. In tal kundige sprekkers sil op dit sympoasium it opfallende ferlet oan ferbining fan sa’n hûndert jier lyn ûndersykje en sa mooglik ferklearje. Sy sille boppedat besjen wat de trochwurking fan de Fryske kontakten nei de oarloch west hat, ek mei oare taalminderheden yn Europa.
Programma
13:00 Ynrin mei kofje en tee
13.30 Iepening en wolkomswurd troch Joop Koopmans (foarsitter KFG en sympoasiumfoarsitter)
13:40 Jelle Krol, De Grutfryske Kongressen yn it ynterbellum
14:05 Ine Megens, Tussen hoop en vrees: Nationale minderheden en Europese samenwerking na de Eerste Wereldoorlog
14:30 Jurjen van der Weg, 100 jier Bernlef (1925-2025): Fryske stúdzje, Fryske aksje of Fryske wille?
14:55 Skoft
15:15 Jelte Olthof en Peter Postma, “Wrâldfriezen”: De Amerikaanse Droom van een Greater Fryslân tijdens en na de Tweede Wereldoorlog
15:40 Alex Riemersma, Fryske spinnen yn it web fan de Europeeske minderheidstalen sûnt 1980
16:05 Diskusje
16:25 Sluting
16:30 Buorrel
Datum, plak en opjefte
Wêr: Tresoar (Bûterhoeke 1, Ljouwert)
Wannear: freed 11 april (13:30-17:00 oere)
Opjefte: uterlik 8 april 2025 fia info@friesgenootschap.nl (tagelyk mei betelling)
Kosten: € 5,- foar KFG-leden, stipers fan de Fryske Akademy en studinten; € 7,50 foar oare belangstellenden, oer te meitsjen op bankrekken NL33ABNA 0450289001 o.n.f. Keninklik Frysk Genoatskip te Ljouwert
Laat een reactie achter