It nije akademyske jier begjint foar de Fryske Akademy mei de fiering fan de dies natalis, de dei fan de oprjochting fan it ynstitút. Alle jierren nûget de Fryske Akademy – op de freed fan, foar of nei de 10e septimber – de leden, stipers en relaasjes út om mei-inoar werom te sjen op it ôfrûne jier, mar foaral om mei-inoar foarút te sjen nei moaie gearwurkingen, projekten en wittenskiplike útdagings.

Op de Akademydei wurde tradisjoneel de nije leden fan de Fryske Akademy beneamd. 

Akademydei 2025

De Akademydei 2025 sil op freed 12 septimber 2025 wêze, by BOEL (Zalen Schaaf) yn Ljouwert.
lês mear: https://www.fryske-akademy.nl/akademydei/

Oer de Fryske Akademy

De Fryske Akademy docht, dielt en fasilitearret al sûnt 1938 it wittenskiplik ûndersyk nei de Fryske kasus yn ynternasjonaal en multydissiplinêr perspektyf. De fokus leit dêrby op taal en meartaligens, skiednis en erfgoed, de minske en syn omjouwing en de ûntwikkeling fan digitale ynfrastruktueren, it leafst yn dwersferbân en yn komparatyf perspektyf.