Yn dizze útstalling earet kultuerhistoarysk sintrum De Tiid yn Boalsert Aggie van der Meer (1927-2023), ien fan de markantste stimmen yn de Fryske literatuer. Mei har skerpe pinne, eigensinnige blik en djippe minsklikens joech sy kleur oan it literêre lânskip fan Fryslân én dêrbûten.

Aggie skreau romans, toanielstikken, essays en gedichten, altyd yn it Frysk, altyd mei hertstocht. Se stie bekend om har maatskiplik engagement, har poëtyske krêft en har fermogen om grutte tema’s as oarloch, leauwe, leafde en rjochtfeardigens werom te bringen ta it persoanlike en minsklike.

Yn 2019 waard har literêre wurk bekroand mei de Gysbert Japicxpriis, de heechste ûnderskieding yn de Fryske literatuer. In bekroaning op in yndrukwekkend skriuwerslibben.

De útstalling nimt dy mei lâns har libben, wurk en idealen. Oan ‘e hân fan hânskreaune teksten, foto’s, persoanlike foarwerpen en fragminten út har oeuvre learst net allinnich de skriuwster kennen, mar ek de minske efter de wurden: frijtinkend, belutsen en net wurch te krijen nijsgjirrich.

Lit dy ynspirearje troch de stim fan in frou dy’t skreau sa’t se libbe; mei lef en leafde.

Lokaasje en mear ynformaasje

Museum De Tiid
Jongemastraat 2
8701 JD Boalsert
https://www.detiid.nl/museum