It Keninklik Frysk Genoatskip, de redaksje fan De Vrije Fries, Tresoar en de Fryske Akademy hjitte elkenien fan herte wolkom by it KFG-Sieperda-sympoasium op freed 10 april 2026 yn Tresoar, Ljouwert. Dit jier giet it sympoasium oer de opfallende bân dy’t no al 250 jier lang bestiet tusken Fryslân en de Feriene Steaten.

Dit jier is it 250 jier lyn dat trettjin Amerikaanske steaten har ûnôfhinklik fan de Britske monargy ferklearren. Yn Fryslân bestie daliks sympaty foar dat stribjen. In iuw letter sochten in soad Friezen in bettere takomst oan de oare kant fan de oseaan yn wat it Lân fan Dream en Winsken neamd waard. Op dit KFG-Sieperda-sympoasium komme ferskate foarbylden oan bod fan Friezen dy’t yn Amearika in nije takomst fûnen. 

Oandacht is der ek foar Friezen dy’t in pear generaasjes lang besocht hawwe om de bân mei it heitelân fêst te hâlden. Se dienen dat bygelyks troch ûnderinoar it Frysk te brûken. In protte Friezen hawwe it noait oandoard om te emigrearjen, mar ûndergienen wol de kulturele ynfloeden fan Amerikaanske skriuwers en tinkers. 

De opfallende bân dy’t der no al 250 jier lang bestiet tusken Fryslân en de Feriene Steaten wurdt op dit sympoasium ûndersocht en yllustrearre troch fjouwer sprekkers. De organisaasje leit yn hannen fan it Keninklik Frysk Genoatskip, yn ’e mande mei de redaksje fan De Vrije Fries, Tresoar en de Fryske Akademy.

Programma 

13:00 Ynrin mei kofje en tee
13.20 Iepening troch Joop Koopmans (foarsitter KFG en sympoasiumfoarsitter)
13:25 Ynlieding tema troch Annemieke Galema
13.35 Jelte Olthof, “The people of that province have been ever famous for the spirit of liberty”: De Friese en Verenigde Staten in tijden van revolutie
14:00 Hanneke Hoekstra, Nei Amearika: it drama fan de Fryske banneling Jan Stap (1859-1908)
14:25 Skoft
14:50 Peter de Haan, Bekende Friezen in Amerika
15:15 Doeke Sijens, Wêrom’t Reinder Brolsma net emigrearre is (mar oare skriuwers wol)
16:40 Diskusje
16:00 Sluting
16:05 Buorrel

Praktyske ynformaasje

Wêr: Tresoar (Bûterhoeke 1, Ljouwert)
Wannear: freed 10 april 2026 (13:20-17:00 oere)
Opjefte: uterlik 7 april 2026 fia mail nei info@friesgenootschap.nlen daliks betelling:
Kosten: KFG-leden, stipers fan de Fryske Akademy en studinten: €5,-. Oare belangstellenden: € 7,50.
Oer te meitsjen op bankrekken NL33ABNA 0450289001 o.n.f. Keninklik Frysk Genoatskip te Ljouwert.