It Nederlandse Kinderboekenweekgeschenk 2024 (2 oant en mei 13 oktober) ferskynt foar de twadde kear yn it Frysk. Pieter Koolwijk (1974) skriuwt it boek yn it Nederlânsk. Rymke Zijlstra is frege om de Frysktalige oersetting te fersoargjen.

It is de twadde kear dat it Nederlandse Kinderboekenweekgeschenk tagelyk yn it Frysk ferskynt. Yn 2022 ferskynde Waanzinnige boomhutverhalen (oarspronklik publisearre yn it Ingelsk) mei in Fryske oersetting fan Martsje de Jong ûnder de titel Healwize beamhutferhalen. Yn 2023 ferskynde der gjin Fryske oersetting, mar yn 2024 dus wol wer.

It tema fan de 70ste Kinderboekenweek is ‘Lekker eigenwijs!’

It wurdt ek de twadde kear dat it wurk fan Pieter Koolwijk oerset wurdt nei it Frysk. Op 7 febrewaris 2024 wie de boekpresintaasje fan de Frysktalige oerseting fan Gozert, troch oersetter Rymke Zijlstra. Dat boek fan Koolwijk wûn yn 2021 de Gouden Griffel foar it bêste berneboek.