Op pinkstertiisdei organisearret Tresoar in sympoasium oer de Fryske midsiuwen. Dit jier stiet de dei yn it teken fan edukaasje. It programma is tige nijsgjirrich foar professionals yn it ûnderwiis en ûnderwiisprofessionals yn spee, mar ek foar oare professionals op it mêd fan skiednis en minderheidstalen.

De ‘Fryske’ Lege Lannen yn it earste millenium

Se praten ea Frysk yn wat no Den Haag, Utrecht of Amsterdam is. De Fryske gebieten rûnen yn it earste millennium ommers fan de Skelde oant de Wezer: de Nederlânske en Dútske kuststripe dêrtusken hiet ‘Frisia’. Dat makket dat de Fryske midsiuwen net in provinsjaal ferhaal binne, mar in nasjonaal en sels ynternasjonaal ferhaal.

Us heitelânske skiednis is net folslein sûnder it unike ferhaal fan de ‘Fryske’ Lege Lannen. Mar hoe ferwurkest dizze ‘Fryske’ Lege Lannen yn dyn skiednisles? As dielnimmer oan dit sympoasium – dizze earste kear folslein yn it ramt fan edukaasje – krijst as ûnderwiisprofessional ‘tips & tools’ om de ‘Fryske’ Lege Lannen in plak te jaan yn dyn lessen.

Unskiedber ferbûn oan dit ferhaal is de ‘Richthofenkolleksje’, de wrâldwiid grutste samling Aldfryske rjochtsboarnen, dy’t bewarre wurdt troch Tresoar. Yn 2022 ferliende Unesco in nasjonale erfgoedstatus oan dizze kolleksje. De samling is digitaal beskikber.

De fiertaal fan de dei is Nederlânsk.

Oanmelde kin hjir.

Programma

15.30 – 15 .50 Untfangst mei kofje / tee

15.50 – 16.00 Wolkom troch Arjen Dijkstra (dir. Tresoar)

16.00 – 16 .45 Ynlieding troch Vincent Robijn (dir. Collectie Overijssel)

16.45-18.00 Workshop (kinst 1 workshop kieze):

– Jelte Pinkster jout in workshop foar professionals en takomstige dosinten yn it basisûnderwiis/primêr ûnderwiis. Jelte Pinkster is dosint Frysk en Skiednis op Comenius Mariënburg en Beyers Naudé.

– Jacob Roep jout in workshop foar professionals en takomstige dosinten yn it fuortset ûnderwiis. Jacob Roep is edukaasjemeiwurker by Tresoar en dosint skiednis en maatskippijlear. 

– Jitske de Hoop jout in workshop foar professionals en takomstige dosinten yn it heger berops ûnderwiis. Jitske de Hoop is dosint Frysk en bestjoerslid by Dingtiid.

18.00 – 19 .30 Buffet (opsjoneel foar dielnimmers oan it middeisprogramma)

Jou by it bestellen fan dyn ticket oan oftst gebrûk meitsje wolst fan it fegetaryske buffet. 

Pinkstertiisdei

Dizze lêzing makket diel út fan Pinkstertiisdei: in dei yn it ramt fan de Fryske midsiuwen – ús dielde skiednis. Dit tema wolle wy fan no ôf alle jierren ûnder de oandacht bringe by publyk en professionals op ‘Pinkstertiisdei’. Want op de tiisdeis nei Pinkster, sa witte wy út midsiuwske boarnen, teagen rjochters út alle Fryske regio’s alle jierren nei de ‘Ustalsbeam’ – in plak by it East-Fryske Aurich – dêr’t se rjocht sprutsen en nije ôfspraken makken. De perfekte dei dus om nije ‘Aldfryske’ netwurken te smeien!

Jûns is der ek in publykslêzing, dy’t fersoarge wurdt troch dr. Nelleke IJssennagger-van der Pluijm. By dizze lêzing is ek it bredere, histoarysk ynteressearre publyk wolkom. Oanmelde kin hjir.