Op freed 18 oktober is by Tresoar it portret ûntbleate dat keunstner Mark Bunder makke fan Gysbert Japicxpriiswinner Jetske Bilker. Dat wie by in literêre middei, wêrby’t skriuwsters Jetske Bilker en Vrouwkje Tuinman te gast wienen. Ek is de Nederlânske oersetting fan Spegel en sonde, it boek dêr’t Jetske yn 2023 de Gysbert Japicxpriis mei wûn, presintearre. It portret wurdt op koarte termyn taheakke oan de earegalerij yn de Gysbert Japicxseal fan Tresoar.