Yn dizze lêste lunchlêzing fan it seizoen is histoarika Els Kloek te gast by Tresoar. Els Kloek is histoarika, spesjalisearre yn histoarysk ûndersyk nei de rol fan froulju yn de Nederlânske skiednis. Har bekendste wurk is it Digitaal Vrouwenlexion van Nederland, in webside dy ’t se makke mei meiwurking fan hûnderten saakkundigen. Mear as 2000 biografyen fan (meastal fergetten) froulju binne dêryn sammele. It projekt waard benammen bekend mei de twa ensyklopedyske neislachwerken-yn-druk dy ’t ferskynd binne ûnder de titel 1001 vrouwen. 

Yn dizze lêzing fertelt Els Kloek wêrom’t dit projekt har ynfolling west hat fan ‘frouljusskiednis’. Els Kloek sil yn har lêzing útiensette wêrom ’t dit projekt har ynfolling west hat fan ‘frouljusskiednis’. Se sjocht it as har libbenswurk, ek al hat se ek oare publikaasjes op har namme stean. Sa skreau se okkerdeis in histoarysk oersjoch oer it feminisme en docht se op it stuit ûndersyk (û.o. yn Tresoar) nei Geesje Feddes, in notarisfrou út Ljouwert, mem fan tolve bern en skriuwster fan in feministyske pamflet (1870) dat noch altyd yndruk makket.Lunchlêzing

De lêzing begjint om 12.30 oere en duorret rûchwei 45 minuten oant in oere. De tagong is fergees, al jildt wol in ferplichte oanmelding. By it oanmelden kinst oanjaan ast gebrûk meitsje wolst fan de lunch foarôfgeand oan de lêzing (2 broadsjes* en 1 konsumpsje). De lunch stiet fan 12 oere ôf klear. De kosten foar de lunch binne € 7,50, foarôf te beteljen by it reservearjen fan in tagongsbewiis. Jou by it oanmelden ek oan mei hoefolle minsken ast komst.