Mercator en de Fryske Akademy binne op syk nei in Kommunikaasjemeiwurker foar 22,8 oeren / 0,6 fte wyks.

De Stifting Fryske Akademy docht wittenskiplik ûndersyk nei de Fryske taal, de meartalige maatskippij en de regionale skiednis fan Fryslân. It Mercator Europeesk Kennissintrum foar Meartaligens en Taallearen is in ûnderdiel fan de Fryske Akademy en docht ferlykjend en tapast ûndersyk yn Europa op it mêd fan meartalich ûnderwiis, taalbelied en taalfitaliteit, en ferbynt dat mei maatskiplike fraachstikken yn Fryslân.

Bisto de kommunikaasjemeiwurker dy’t kânsen sjocht om ûndersyk op it mêd fan taal, kultuer, skiednis en identiteit fan Fryslân strategysk út te dragen nei en mei de mienskip? Wurkest graach gear mei kollega’s binnen en bûten de Fryske Akademy oan de ferhalen fan Fryslân? Binne sosjale media foar dy deistige kommunikaasjemiddels dêr’tst in ûnderskiedend fermogen mei kreëarrest? Kinsto de ynternasjonale aktiviteiten fan Mercator by in breed Europeesk publyk ûnder de oandacht bringe?

Lês hjir (pdf) de folsleine fakatuere.
 

Wolst mear witte? 

Nim dêrfoar kontakt op mei de hear Anne Mulder (HR), telefoannûmer 058 – 213 14 14 (resepsje). 

Wolst sollisitearje? 

Dan kinst dyn motivaasjebrief mei cv foar moandei 6 jannewaris 2025 e-maile oan de hear Anne Mulder, ôfdieling HR, û.f.f. “Kom2-2025”.