De Afûk is in aktive, ûndernimmende organisaasje, dy’t as doel hat om de Fryske taal oeral yn ús Fryske mienskip in folweardich plak te jaan. Wy hawwe in Fryske boek- en kadowinkel en in útjouwerij, wy jouwe kursussen en workshops en wy ûntwikkelje ûnderwiismetoaden. Dêrneist wurkje wy oan in hiel soad wikseljende projekten en kampanjes foar alle leeftiden. Der wurkje sa’n 35 minsken by de Afûk.

Op dit stuit binne der twa fakatueres by de Afûk.

In sterke ferbining mei it bedriuwslibben, de soarchsektor en oare sosjaal-maatskiplike en kulturele organisaasjes fine wy essinsjeel. Mei ús taalpromoasje-aktiviteiten wolle wy minsken, bedriuwen en organisaasjes bewust meitsje fan har eigen taal en identiteit en harren stimulearje om it Frysk aktyf te brûken en sichtber te meitsjen. Foar dy aktiviteiten sykje wy op koarte termyn in:

Projektmeiwurker Taalpromoasje

Foar 20 oant 24 oeren wyks. In ôfwikseljende baan mei in soad selsstannichheid yn in kreatyf en entûsjast team.

Wat foar dy? Dowload hjir de fakatuere. Sollisitearje kin oant 3 jannewaris 2025.

Relaasjebehearder/projektkoördinator Taalpromoasje

Foar 28 oeren wyks. As relaasjebehearder ûnderhâldsto de besteande kontakten en giesto aktyf op syk nei nije relaasjes en kontakten út boppeneamde sektoaren. Do hast in sintrale rol yn it team Taalpromoasje en betinkst, op basis fan it ferlet fan bedriuwen en organisaasjes, mei dyn kollega’s plannen en strategyen en leist ferbiningen tusken de ferskillende projekten, produkten en aktiviteiten fan de Afûk en tusken de ferskillende partners. As projektkoördinator bist dêrneist ferantwurdlik foar it realisearjen fan projekten binnen de stelde kaders, mar der wurdt ek ferwachte datsto nije plannen ûntwikkelest.

Download hjir de fakatuere. Sollisitearje kin oant 3 jannewaris 2025.