De Simke Kloostermanpriis 2025, de priis foar it bêste berneboek fan de ôfrûne trije jier, giet nei Jelle en juf. It boek is skreaun en yllustrearre troch Mirjam van Houten. 

Jelle en juf is it tredde berneboek fan Mirjam van Houten. Neffens de sjuery binne de fiifentweintich ferhalen yn it boek in feest foar sawol bern as de foarlêzers. Wat opfalt is har unike gefoel foar humor, en de sprankeljende fantasij dy’t sawol bern oansprekt, mar ek folwoeksenen laitsje lit. 

De sjuery foar de Simke Kloostermanpriis 2025, Akke Gerlsma, Arjan Hut en Martsje de Jong, hie noch twa titels nominearre: De Freon fan I.E. Bloem en Heity! Help!! fan Thys Wadman.

Op 23 maaie is de priisútrikking yn Twizel. Kommissaris fan de Kening Arno Brok rikt de priis fan €5000,- en de hânmakke oarkonde út.