Dyn literêre talint ûntwikkelje? Dan bist wolkom by de Skriuwersfakskoalle, in gearwurking fan Ljouwert UNESCO City of Literature, Tresoar en de Schrijversvakschool. Op woansdei 24 septimber set it lesblok Skriuwtechniken A wer útein by Tresoar yn Ljouwert. Op woansdei 3 septimber is der in fergees tagonklike yntroduksjeles. 

Yn it lesblok Skriuwtechniken A komst yn ’e kunde mei de eigen skriuwstyl, learst om te eksperimintearjen, om te doaren, om it Frysk as skriuwtaal te brûken. Elkenien kin meidwaan oan de lessen Skriuwtechniken A, om út te probearjen of it skriuwen en de Skriuwersfakskoalle echt wat foar dy is.

De 12 lessen fan de kursus Skriuwtechniken A binne fan 24 septimber ôf op woansdeitejûn fan 18:45 oant 21:45 oere by Tresoar yn Ljouwert. It lesjild is 540 euro. Krigest les fan Arjan Hut.

Yntroduksjeles

Op woansdei 3 septimber fan 19:00 oant 21:30 oere is der in fergees tagonklike yntroduksjeles Skriuwtechniken A by Tresoar yn Ljouwert.
Oanmelde foar de yntroduksjeles kin troch in mail te stjoeren nei de Skriuwersfakskoalle.

Wolst earst mear ynformaasje? Mail dan mei info@leeuwardencityofliterature.nl.Oer de Skriuwersfakskoalle

De Skriuwersfakskoalle is in mearjierrige oplieding en wurket mei in fêst kurrikulum: nei it lesblok Skriuwtechniken A is it mooglik Skriuwtechniken B te folgjen. Dêrnei kinst, nei talitting, trochstreame nei it folgjende lesjier mei fakken as Proaza, Essay of Poëzij. Op de Skriuwersfakskoalle krigest les fan skriuwers en learst fan inoar. Praatst oer de tekst, it skriuwen, en learst inoar op goede wize kommentaar te jaan. Bist part fan de kultuer fan de skoalle.

Nije lesblokken /data:

• Skriuwtechniken A: 24 septimber; 1, 15 en 29 oktober; 5, 19 en 26 novimber; 10 en 17 desimber 2025; 7, 21 en 28 jannewaris 2026.
• Skriuwtechniken B: 24 septimber; 1, 15 en 29 oktober; 5, 19 en 26 novimber; 10 en 17 desimber 2025; 7, 21 en 28 jannewaris 2026.
• Poëzy 1: 24 septimber; 1, 15 en 29 oktober; 5 en 12 novimber; 3 en 17 desimber 2025; 7 en 21 jannewaris 2026.

Ynskriuwe foar de lesblokken kin op www.skriuwersfakskoalle.frl. Neist de lesblokken jout de Skriuwersfakskoalle ek losse kursussen. Ynformaasje dêroer is ek te finen op de webside.