De wonderverteller fan Lida Dijkstra is bekroand mei de Gouden Griffel 2025, de priis foar it bêst skreaune berneboek. De auteur waard woansdei ferrast by in gastles fan De Skoalskriuwer op IBS’t Pompeblêd yn ‘e Westereen. Een ongelofelijk grote, ongelofelijk gevaarlijke leguaan, yllustrearre troch Natascha Stenvert en skreaun troch Pim Lammers, is bekroand mei it Gouden Penseel 2025, de priis foar it moaist yllustrearre berneboek. De wonderverteller is yllustrearre troch Djenné Fila. Hja ûntfong yn juny in Sulveren Penseel foar dy yllustraasjes.

De winners binne bekendmakke yn oanrin nei de Berneboekewike, dy’t woansdei 1 oktober úteinset. De prizen wurde op útrikt op it Berneboekebal yn Amsterdam. Neist de Gouden Griffel en it Gouden Penseel ûntfange de winners € 10.000 foar de bekroaning.

De Griffeljury

De Griffeljury oer De wonderverteller: ‘Beroemde verhalen een nieuw leven meegeven. Dat is de kracht van Lida Dijkstra. In De wonderverteller doet ze er nog een schepje bovenop door binnen het verhaal te laten zien hoe verhalen verteld kunnen worden. De jury is diep onder de indruk van de manier waarop de auteur een geschiedenis in een nieuwe vorm tot leven brengt. De wonderverteller is meeslepend in het avontuur én hartverwarmend in de karakters die worden beschreven. Naast veel vakmanschap gaat er een grote vrijheid, speelsheid en literaire kracht van dit boek uit.’

Oer Lida Dykstra

Lida Dijkstra (1961) studearre keunstskiednis en archeology yn Leien en is sûnt 1992 fulltime berneboekeskriuwer yn it Frysk en Nederlânsk. Se makket printeboeken, boeken foar begjinnende lêzers en jeugdromans fol fantasy, humor en ynspiraasje út ‘e (keunst)skiednis. Sy wie de earste Fryske Berneboeke-ambassadeur. Dêrneist is se aktyf as Skoalskriuwer en lid fan de Schrijvers van de Ronde Tafel.