MAYTE winner Frysk Sjongfestival Liet 2025

Winner MAYTE. Foto: Piet Douma/PDF-Grafi

MAYTE hat tongersdei 11 septimber it Frysktalige sjongfestival Liet wûn. Fan de sân finalisten krige MAYTE de measte punten fan de fak- en publyksjuery. Derneist
wûn MAYTE ek de Gryt van Duinen-tekstpriis.

It nûmer dêr’t MAYTE de finale mei wûn, hjit ‘It dûnset yn my’. “Myn eigen proses fan famke nei jonge frou is myn ynspiraasjeboarne west foar it liet”, sei MAYTE. Yn’e wike fan 15 septimber sil Mayte tegearre mei Anna Spark en Anke Stilma, stride om’e ticket foar it Regiosongfestival. De winner fan dizze striid fertsjintwurdiget Fryslân en Omrop Fryslân op 1 novimber op it Regiofestival yn Arnhem.

Op it twadde plak einige Anna Spark mei ‘Hjir wei’ en tredde waard Anke mei ‘By alles watst dochst’.

De Gryt van Duinen-tekstpriis foar de bêste tekst gong ek nei MAYTE mei ‘It dûnset yn my’’. Mei de tekstpriis wol de organisaasje it skriuwen fan Frysktalige muzyk stimulearje. De foarsitter fan de faksjuery, Christa Niklewicz, rikke de tekstpriis út. ‘It dûnset yn my’ is in tekst, dy’t dy meinimt yn in persoanlik proses. Nijsgjirrich is it gebrûk fan werkenbere libbensfragen, en dat der neist it swiere, ek romte is foar it lichte. De orizjinaliteit sit him benammen yn it net foarsisbere yn de tekst, wêrtroch’t de sjuery fan miening is dat der wier wat te belústerjen is.”

Anke Stilma en Anna Spark krigen nei MAYTE de measte publyksstimmen en dêrmei pleatsten hja har streekrjocht foar de battle om in ticket nei it Regio Songfestival yn
Arnhem.

De finale fan Liet yn it Ljouwerter poppoadium Neushoorn sette út ein mei de winner fan de finale fan Liet 2024, Fegebart. It publyk kaam fuortendaliks los mei it liet
‘Bingojûn’. Grymtosk, de tip fan Aaipop, brocht ‘It Houten Bankje’ op it poadium en Max Bosman song syn Frysktalige ferzje fan it liet ‘De Held en de Lul’. Wat wie it wer in feest! Mar wy hawwe benammen genoaten fan de finalisten, wat in jong talint en wat in ferskaat oan muzyk en teksten krige it publyk te hearren.

De folsleine útslach fan Liet 2025: