Op sneintemiddei 22 maart is de premjêre fan it Requiem ta treast yn de menistetsjerke oan de Wirdumerdyk yn Ljouwert. Dit koarwurk is it resultaat fan in gearwurking tusken de komponist Marcus Veenstra en de ferstoarne Fryske dichter Willem Abma.

Marcus Veenstra is in alsidich musikus. Hy studearre oargel, koardireksje, lichte muzyk en skoalmuzyk oan ferskate konservatoaria. Jierrenlang wie hy kantor-organist yn de Grutte Tsjerke yn Harns en hy waard yn 1995 tsjerkemusikus yn de PKN-tsjerke de Schakel yn Camminghaburen, Ljouwert. Marcus Veenstra hat ferskate komposysjes skreaun, wêrûnder koar- en ensemblemuzyk, (religieuze) lieten en musicals. As komponist waard hy beynfloede troch syn learaar Piet Post en troch syn wurk als tsjerkemusikus en muzyklearaar.

De dichter en theolooch Willem Abma publisearre mear als tweintich dichtbondels, ferskate romans, koarte ferhalen, toanielteksten en in oantal geastlike lieten. Hy ferstoar yn 2024 op 82-jierrige leeftyd. Foarich jier ferskynde postúm syn lêste dichtbondel Bewarre, wêrby’t  in diel fan it Requiem ta treast al útfierd waard.

Marcus Veenstra en Willem Abma learden elkoar kennen yn de Schakel yn  Camminghaburen. Tegearre hawwe se ferskate lieten komponearre, wêrfan de bekendste God, gedachte, gefoel en Liet fan treast (by de sluting fan in tsjerkegebou) binne. Dizze gearwurking late ta it idee foar it Requiem ta treast.

It Requiem ta treast is gjin tradisjoneel requiem. It giet oer it fertriet om in ferstoarne dierbere en is in dialooch tusken de ferstoarne, neibesteanden en omstanders. It requiem giet fan tsjuster nei ljocht, en einiget yn treast en fersoening. De lêste wurden fan it requiem binne dan ek ‘de dea is oerwûn’.

De premjêre fan it Requiem ta treast wurdt útfierd troch in projektkoar en solisten, begelaat troch piano, strikers en trompet. De útfiering wurdt dirigearre troch de komponist sels. 

Datum: 22 maart 2026 

Tiid: 15.00-17.00 oere, doarren iepen om 14.30 oere 

Lokaasje: Mennistetsjerke, Wirdumerdijk 18, Leeuwarden 

Tagong: € 15,00 

Kaartsjes binne te krijen op www.requiemtatreast.nl