Stof jou wandelstok af en pak jou verkyker in, want die vierde, tweejaarlikse internasionale Afrikaanse Grammar Workshop (AGW) vind hierdie jaar weer in Suid-Afrika plaas! Op 27-28 November gaan ons – met vergunning van die Noordwes-Universiteit – ’n geheime ligging diep in die Suid-Afrikaanse bosveld oorneem om die Afrikaanse grammatika in groot besonderhede oop te gesels. As jy nie lus is vir ’n bietjie avontuur nie, moenie bekommerd wees nie: Jy sal steeds aanlyn  vanuit die gemak van jou eie huis kan deelneem. 

Die AGW is die topbyeenkoms vir Afrikaanse taalkundiges vanuit alle uithoeke van die wêreld. Uiteenlopende teoretiese en metodologiese perspektiewe bring nuwe insigte in die studie van die Afrikaanse grammatika. Dit is dus dié plek om te wees as jy jou navorsing oor die Afrikaanse grammatika ten toon wil stel en/of skouers met die groot geeste in die veld wil kom skuur. So, waarvoor wag jy? Stof af, stof af en kom verken saam (met) ons die wilde wêreld van die Afrikaanse grammatika!

[Text generated by ChatGPT; translated by Google Translate]