De Fryske Akademy hat in twajierlikse priis foar it bêste skripsjeûndersyk op it mêd fan ’e Fryske taal en kultuer. De Skripsjepriis waard ynsteld by it fyftichjierrich bestean fan ’e Fryske Akademy yn 1988, mei as doel om studinten dy’t wittenskiplik ûnderwiis folgje in oantrún te jaan har ûndersyk op Fryske tema’s te rjochtsjen. De priis is in som fan 1000 (tûzen) euro.

Studinten mei in masterskripsje skreaun nei 1 juny 2022 en foar 1 juny 2024 kinne oant 1 juny 2024 harren masterskripsje ynstjoere foar de Skripsjepriis 2022-2024. Foar mear ynformaasje oer de betingsten en praktyske saken oangeande it ynstjoeren, sjoch hjir op de webside fan de Fryske Akademy.