Frysk en Frij organiseart in Manifestaasje Us aller eigenste taal op sneon 29 novimber 2025, 10.30-15.00 oere. Dy deis is fold mei in bondelpresintaasje, in foarum, ferskate foardrachten, muzyk en dûns. Foar de sammeldichtbondel is der in oprop om fersen yn te stjoeren. Dat kin oant 1 juny.

Sammeldichtbondel

Stjoer in fers op yn dyn eigen Frysk, bygelyks Klaaifrysk, Súdwesthoeks, Woodfrysk, oer it tema Taal. Frysk en Frij sil yn 2025 in sammeldichtbondel útjaan mei lyryk oer it tema Taal. Oarspronklike fersen dy’t net earder publiseard binne en gjin oersettingen fan oaren. De ynlieding wurdt fersoarge troch Tsead Bruinja, dy’t it earste eksimplaar yn hannen stelle sil fan Arno A.M. Brok, Kommissaris fan ’e Koaning yn Fryslân.

Wy tidigje op fersen yn ûnderskate tongslaggen, lykas: Achterhoeks, Bildts, Brabants, Drents, Eilanners (Amelâns, West-Schylingers, Meslânzers, Aesters, Skiermuontseachs), Frysk, Hogelandsters, Oldambsters, Veenkolonioals, Westerkwartiers, Westerwolds, Hollands, Ingels, Limburgs, Nordfrasch, Overijssels, Ostfriesisch, Saterfreesche Spraak, Stedsfrysk (Bolswerters, Dokkumers, Franekers, Hylpers, Luwarders), Stellingswarfs, Twents, West-Fries, Zeêuws.
As it even kin wurde dêroerhinne ek gedichten opnommen yn Europese minderheidstalen, lykas: Baskys, Bretons, Gaelic, Kasjûbys, Katalaans, Kornys, Samys, Wels.

By genôch monetêr foardiel wurdt by pleatsing fan in fers € 75,00 fergoede.
Ynstjoere foar 1 juny 2025 nei: post@frysk-en-frij.nl.
De sammelbondel wurdt presinteard op sneon 29 novimber 2025, sjoch: Fier dyn frije taal.
Organisaasje: Utjouwerij Frysk en Frij, Klaas van Zandbergenstraat 28 – 9076 GB St.-Anne.

Foarum oer Us allereigenste taal – Taalhâlding Anno 2025

By it ferskinen fan ’e bondel Us aller eigenste Taal op 29 novimber 2025 wurdt in Taalfoarum organiseard mei as ûnderwerpen:

• Taalnoarm.
• Taaldiskriminaasje.
• Taalhâlding.
• Taal en identiteit.
• Fuortbestean lytse talen,

Foarumleden:

• Mirka Antolovic – direkteur Tûmba, oant novimber 2024 fraksjefoarsitter PvdA Ljouwert.
• Anne-Goatske Breteler – skriuwer, sjoernalist, antropolooch, publykshistoarikus, podkastmakker
• Tsead Bruinja – dichter, dosint, 2019 – 2020 Dichter des Vaderlands
• Doutsen van Gosliga – senarist en dramaskriuwer.
• Tialda Hoogeveen – ambassadrise It Fryske Berneboek, dichter, skriuwer
• Syds Wiersma – dichter, meiwurker dichterskollektyf Rixt, poëzyoersetter, argivaris Frysk Film & Audio Argyf.

programma

Manifestaasje Us aller eigenste taal: sneon 29 novimber 2025, 10.30-15.00 oere

• Algehiele lieding: Margriet Brandsma
• Iepening: drs Arno A.M. Brok, Kommissaris fan ’e Koaning yn Fryslân, dy’t it earste eksimplaar fan ’e sammeldichtbondel oer it tema Taal yn hannen krijt
• Foardrachten yn ûnderskate tongslaggen: ûnder oaren: Achterhoeks, Bildts, Frysk, Hoogelaandsters, Limburgs, Stellingwarfs.
• Taalfoarum
• Muzyk: Piter Wilkens
• Dûns: Fryske Dûnsers
• Boeketafel, koartingen op ’e nijste útjeften fan Frysk en Frij.
• Trochrinnende Hege Tee

Plak: De Groate Kerk, Oasteand 1, 9079 KZ St.-Jabik
Tagong fergees. Opjaan hoecht net, kin wol: post@frysk-en-frij.nl -fol=fol.
Organisaasje: Stichting Erfgoed Fundaasje – Frysk en Frij
Bluesky: https://bsky.app/profile/fryskenfrij.bsky.social