Wenje en libje yn it hjoeddeistige Fryslân is sûn, bewenners binne lokkich en in soad minsken fine it moai. Ek bûten de grinzen fan ús provinsje hawwe minsken dúdlik in byld fan it Fryske lân. Rom, frij, hechte, mar ek fier fuort, eigensinnich en sels mei in eigen taal.

Yn dizze kolleezjereeks giet Arjen Dijkstra yn op de skiednis fan dit Fryske lân. Wannear is it ûntstien? Ea rûnen de grinzen fan it Fryske ryk oant dêr’t no België leit yn it suden en Denemarken yn it noarden. Wat wie dat foar Fryslân? Wat seit dat oer ús hjoeddeiske mienskip? En hoe ferhâldt him dat ta Nederlân?

Op basis fan de rike kolleksjes fan Tresoar steane wy yn fjouwer kolleezjes stil by de kearpunten út de Fryske skiednis. Wy geane fan de midsiuwen nei ús hjoeddeiske maatskippij. In brede blik helpt ús om te begripen wêr’t wy weikomme en hoe’t wy ús no ta elkoar ferhâlde.

Les mear oer it programma en oanmelde op de webside fan it Generatiehuis.