De Stifting Fryske Akademy docht mear as 85 jier wittenskiplik ûndersyk nei de Fryske taal, de meartalige maatskippij en de regionale skiednis fan Fryslân. Mei multydissiplinêr ûndersyk leveret de Fryske Akademy fernijende bydragen oan it ynternasjonaal wittenskiplik debat, draacht by oan it akademysk klimaat yn Ljouwert en Fryslân, en generearret ynspirearjende fûnemintele en tapasbere kennis foar en oer de maatskippij. It Mercator Europeesk Kennissintrum foar Meartaligens en Taallearen is sûnt 1987 in ûnderdiel fan de Fryske Akademy en docht ferlykjend en tapast ûndersyk yn Europa op it mêd fan meartalich ûnderwiis, taalbelied en taalfitaliteit, en ferbynt dat mei maatskiplike fraachstikken yn Fryslân.

Fakatuere: Seniorûndersiker Digital Humanities mei koördinearjende taken

Wy sykje in senior wittenskiplik ûndersiker mei yngeande ûnderfining en kennis op it mêd fan de Digital Humanities, ynterdissiplinêr wittenskiplik ûndersyk en it ûntwikkeljen fan digitale ynfrastruktueren. Do hast ûnderfining mei it digitaal beskikber meitsjen fan wittenskiplike data, en do kinst in brêge slaan tusken wittenskip en de digitale ynfrastruktuer dy’tsto en dyn kollega’s fierder ûntwikkelje, beheare en ûnderhâlde sille. Wy sykje immen dy’t in fisy hat op de taak fan de Digital Humanities yn relaasje ta it wurk fan de Fryske Akademy en it wurk fan Mercator Europeesk Kennissintrum foar Meartaligens en Taallearen, en dy’t graach mei ús dizze fisy fierder ûntwikkelje en ymplemintearje wol.

Besjoch de fakatuere foar in Seniorûndersiker taalwittenskip (38 oeren yn ‘e wike / 1 fte) yn it Frysk en Nederlânsk. Reagearje kin oant en mei 14 april 2025.

Sjch op de webside fan de Fryske Akademy foar mear ynformaasje.