De Stifting Fryske Akademy docht mear as 85 jier wittenskiplik ûndersyk nei de Fryske taal, de meartalige maatskippij en de regionale skiednis fan Fryslân. Mei multydissiplinêr ûndersyk leveret de Fryske Akademy fernijende bydragen oan it ynternasjonaal wittenskiplik debat, draacht by oan it akademysk klimaat yn Ljouwert en Fryslân, en generearret ynspirearjende fûnemintele en tapasbere kennis foar en oer de maatskippij. It Mercator Europeesk Kennissintrum foar Meartaligens en Taallearen is sûnt 1987 in ûnderdiel fan de Fryske Akademy en docht ferlykjend en tapast ûndersyk yn Europa op it mêd fan meartalich ûnderwiis, taalbelied en taalfitaliteit, en ferbynt dat mei maatskiplike fraachstikken yn Fryslân.

Fakatuere: Seniorûndersiker taalwittenskip

Wy sykje in senior wittenskiplik ûndersiker op it mêd fan de taalwittenskip, dy’t mei syn of har ûndersyk in bydrage leverje wol oan ús ûndersyksaginda. Bisto in ûndersiker mei ûnderfining, sjochsto oer de grinzen fan dissiplines hinne en wolsto mei rjochting en stjoering jaan oan it programmearjen fan ús wittenskiplik programma? Dan sykje wy dy!

Besjoch de fakatuere foar in Seniorûndersiker taalwittenskip (38 oeren yn ‘e wike / 1 fte) yn it Frysk of Nederlânsk of English. Reagearje kin oant en mei 14 april 2025.

Sjch op de webside fan de Fryske Akademy foar mear ynformaasje.