Vakketure: Direkteur (m/v) Stellingwarver Schrieversronte
Staandplak: Berkoop | Uren: 16-20 in de weke |
Salaoris: konform CAO car schaole 10

Bin jow een geboren verbiener mit een hatte veur streektael en -kultuur? Vuul ie jow thuus in
de wereld van literetuur, geschiedenis en identiteit – en in et biezunder die van de
Stellingwarven? Dan zuken wi’j jow!

Over de orgenisaosie
De Stellingwarver Schrieversronte is ét centrum veur streektael, literetuur, geschiedenis en
volkskultuur van de Stellingwarven. Vanuut Berkoop warken wi’j an de ontwikkeling én et
behoold van et kulturele arfgoed van de streek, mit perjekten, publikaosies, evenementen en
edukaosie.

Jow rol
As direkteur bi’j’ et gezicht van oonze stichting. Jow inspireren, verbienen en geven richting.
Tegere mit een klein team van mitwarkers en een betrokken groep vri’jwilligers zorgen jow
veur overzicht, sturing en verni’jing.

Jow belangriekste taeken bin:
• Vertegenwoordigen van de stichting richting overheden, media en saemenwarkingspartners.
• Opstellen van jaor- en aktiviteitenplannen en bi’jdraegen an de financiële planning.
• Opstellen van et jaorverslag en veurbereiden van bestuursvergeerderingen.
• Onderholen van overleg mit overheden, taelinstansies en foonsen.
• Warven van perjekten en anvraogen van subsidies (tegere mit de beromitwarker).
• Opmarken van ontwikkelings op et gebied van streektael en kultuur.

Wie zuken wi’j?
Een inspirerende leider mit hatte veur de Stellingwarven. Een boegbield die de Stellingwarfse
tael eigen is – letterlik én feguurlik.

Jow bin iene die:
• Vloeiend Stellingwarfs praot en schrift, of bereid is dit snel te leren.
• Onderviening het mit beleidsmaotig warken en et ansturen van een kleine orgenisaosie.
• Kan lobbyen, verbienen en motiveren – intern én extern.
• Strategisch daenken kan en praktische zaeken weet te orgeniseren.
• Tied nemt voor meensken: bezukers, vri’jwilligers, kollega’s en partners.

Wat bieden wi’j?
• Een unieke funktie in et kulturele hatte van de Stellingwarven.
• Vule ruumte veur eigen inbreng en inhooldelike invulling.
• Saemenwarking mit een betrokken team en een bried netwark.
• Een passend selaoris volgens de CAO car

Interesse?
Stuur jow motivaosie en cv uterlik 24 oktober naor bestuur@stellingwarfs.nl
Veur vraogen over de funktie kun jow mailen naor bestuur@stellingwarfs.nl, dan nemt de veurzitter van et bestuur kontakt mit jow op.

Meer informaosie over de stichting vienen jow op: www.stellingwarfs.nl