It Fryske wurd ‘kwizekwânsje’ komt suver altyd foar yn de ferbining “eat of immen fan kwizekwânsje”. Ien dy’t fan kwizekwânsje is, is wichtich of ynfloedryk. Politisy binne lju fan kwizekwânsje, mar je soenen ek sizze kinne dat Superman in stripboek fan kwizekwânsje is. It is in Frânsk lienwurd, fan conséquence, mar troch de jierren hinne aardich ferfryske. It past sadwaande yn itselde rychje wurden as avensearje (avancer), ferdivedaasje (diverter) en komsa (comme ça). Sokke lienwurden binne yn it Nederlânsk al lang útnormearre. Foar in protte Friezen fiele sokke wurden krekt hartstikke Frysk oan, mar dat binne se dus net!