Zonne, mane ende tfirmament,
Looft hem, ghij sterren ende alle planeten;
Blicxem, dondre, uuten wolcken ghesent,
Doen ons die moghentheit des Heeren weten.
Dlicht, duysternisse, alle hooghe secreten,
Reghen, wint, dau, mist, haghel, sneu, ijs,
Berghen, dalen, dafgronden om meten,
Vier, water, lucht, aerde gheeft lof en prijs;
Cruyden, vruchten, elcken boom oft rijs,
Alle metalen, gemmen, hoe vaste ghestaect,
Loven, dancken en maken ons wijs
Hoers scheppers werek, dwelc niemant en laect,
Want zijn handen hebben dit al ghemaect.

Cornelis Crul (ca. 1500 – ca. 1550)

ghesent: gezonden
moghentheit: macht
secreten: geheimenissen
om meten: onmetelijk (?)
rijs: twijg
gemmen: edelstenen
ghestaect: gevestigd
maken ons wijs: verkondigen

---

Abonnees van Laurens Jz. Coster ontvangen iedere werkdag een gedicht per mail.